Reali shkarkoi trajnerin Pablo Lasso, por mund ta rikthejë atë vitin e ardhshëm

Pablo Lasso/foto: EPA-EFE/ANDREJ CUKIC

Drejtuesit e Real Madridit kanë vendosur të shkarkojnë trajnerin e skuadrës së basketbollit, Pablo Laso, për shkak të problemeve shëndetësore.

Në sezonin e ardhshëm skuadra do të drejtohet nga ndihmësi i tij Jesus Mateo dhe drejtuesit e Real Madridit kanë bërë të ditur se do të monitorojnë nga afër ecurinë e rehabilitimit të Lasso-s dhe nëse gjithçka është në rregull, do ta rikthejnë atë në stol pas një pushim një vjeçar.

Real Madridi ka vendosur të ndahet me trajnerin trofetar për shkak të problemeve shëndetësore. Gjegjësisht, Lasso ka pësuar një atak në zemër muajin e kaluar dhe për këtë shkak nuk ka mundur ta udhëheqë skuadrën në finalen e play-off-it në kampionatin spanjoll në të cilin “mbretërit” mposhtën Barcelonën.

Lasso e udhëhoqi Realin në finalen e Euroligës sezonin e kaluar ku humbën ndaj Anadolu Efes.

Eksperti spanjoll me Real Madridin fitoi dy tituj në Euroligë, në vitin 2015 dhe 2018, ndërsa në kampionatin spanjoll fitoi gjashtë tituj, si dhe ka gjashtë trofe në Kupën Mbretërore.

Video e ditës