Aeroplanmbajtësja më e re e Amerikës USS Gerald Ford u vendos
Marina amerikane ka vendosur aeroplanmbajtësen e saj më të avancuar, USS Gerald R. Ford”, për të marrë pjesë në disa manovra ushtarake së bashku me luftanije të shteteve të tjera anëtare të Aleancës së Atlantikut të Veriut.
Aeroplanmbajtësja Avon me teknologjinë më të avancuar u nis nga baza më e madhe detare në botë “Norfolk”, në shtetin federal amerikan të Virxhinias, e shoqëruar nga disa destrojerë dhe luftanije të tjera.
“Gerald Ford” së bashku me anijet e marinës franceze, gjermane dhe suedeze, do të marrin pjesë në disa manovra të ndryshme ushtarake, duke përfshirë aktivitete stërvitore për luftë kundër nëndetëseve në Oqeanin Atlantik.
Manovrat po mbahen shtatë muaj pasi Rusia nisi pushtimin e saj në Ukrainë dhe në mes të tensioneve në rritje midis Moskës dhe Perëndimit.
“USS Ford” është aeroplanmbajtësja e parë e klasës së re “Ford” të Marinës Amerikane. Klasa është projektuar për të transportuar më shumë avionë dhe për të funksionuar me një ekuipazh më të vogël.