Kryeministri Edi Rama tha se qytetarët rusë që ikin nga mobilizimi janë të mirëpritur në Shqipëri.

Rusët që largohen nga vendi se nuk duan të luftojnë janë të mirëpritur në vendin tonë, tha Rama.

Ai përsëriti qëndrimin e Shqipërisë se qëndron në krah të Ukrainës dhe nuk njeh referendumin e organizuar nga Rusia në disa prej rajoneve të saj.

Këtë qëndrim ai e shprehu këto ditë në fjalimin e tij në Asamblenë e Përgjithshme të OKB-së, duke shtuar se “në disa pjesë të territorit të okupuar të Ukrainës po mbahet një referendum farsë nën kërcënimin e armëve”.

– Është e vështirë të imagjinohet që dikush këtu mund ta pranojë qetësisht këtë shpërfillje të turpshme ndaj ligjeve, rregullave, normave, praktikave që rregullojnë marrëdhëniet ndërmjet shteteve në shekullin e 21-të. Këto veprime janë kundër ligjit ndërkombëtar dhe shumë më tepër. Ato jo vetëm që nuk pasqyrojnë vullnetin e lirë të popullit të Ukrainës, por ofrojnë një spektakël të mjerueshëm përjashtimi nga gjithçka që na bashkon nën çatinë e Kombeve të Bashkuara, shtoi Rama.

Ai vuri në dukje se vendi i tij i dënon këto "veprime të sajuara në Moskë" dhe se vendi i tij "nuk njeh asnjë nga këto paligjshmëri".