Kryeministri i Shqipërisë, Edi Rama, në një intervistë për gazetën spanjolle “El Mundo”, ka folur edhe për zgjedhjet e nesërme parlamentare në Kosovë, duke theksuar se nuk i jep përparësi askujt, pasi ka marrëdhënie të mira me të gjithë kandidatët.

– Kosova është një vend demokratik dhe i gjallë. Dhe si të gjitha vendet e Ballkanit, lufton me gjithë pasion dhe shumë zhurmë, por kjo është në rregull. I uroj mirë, por nuk kam asnjë preferencë për rezultatet e zgjedhjeve. Jam shok dhe i respektoj të gjithë, theksoi Rama.

Ai nuk komentoi politikën e presidentit amerikan Donald Trump ndaj Rripit të Gazës.

– Nuk kam asnjë koment për këtë. Mendoj se plani duhet të qartësohet, kuptohet dhe koordinohet me të gjithë aktorët e tjerë. Është ende herët, theksoi Rama.

Lidhur me vendimin e Trump për të pezulluar fondet e USAID-it, që prek edhe vendin e tij, ai siguroi se nuk do të ketë asnjë problem me afganët që jetojnë në Shqipëri.

“Nuk do të ketë asnjë problem me refugjatët afganë që jetojnë në Shqipëri. Nëse duan të qëndrojnë në vendin tonë, mund ta bëjnë këtë, nuk mund të kthehen në vendin e tyre dhe të ndalojnë dhunën. Këto nuk janë shifra të mëdha për ne, janë vetëm disa qindra veta, tha Rama për “El Mundo”.

Rama iu referua edhe marrëveshjes për emigrantët me Italinë dhe akomodimin e tyre në qendrat e pritjes në Shqipëri. Ai i bën thirrje Evropës të zbatojë një politikë të përbashkët imigracioni, të mbrojë kontrollin e kufijve, por edhe të jetë e “hapur” ndaj imigracionit legal.