Putin nënshkroi ligjin e ri me dënime drastike për ata që refuzojnë të luftojnë në Ukrainë

Vladimir Putin
Vladimir Putin / Foto: EPA-EFE/ALEXEY MAISHEV

Presidenti i Rusisë, Vladimir Putin sot ai nënshkroi ligjin e ri, i cili parashikon një dënim me burg deri në dhjetë vjet për qytetarët që refuzojnë të luftojnë, dezertojnë, nuk i binden urdhrave ose të dorëzohen në forcat ukrainase.

Ligji është miratuar më parë nga të dy dhomat e Parlamentit rus. Sipas ligjit të vjetër, ushtarët dezertues u nënshtroheshin një dënimi maksimal prej pesë vjetësh burg.

Pas mobilizimit të paralajmëruar, një numër i madh rusësh u larguan nga vendi, dhe u organizuan protesta në dhjetëra qytete, në të cilat u arrestuan mbi 1.600 persona.

Sipas aktivistëve të të drejtave civile, disa persona u arrestuan sot në Rusi gjatë protestave të reja në përgjigje të mobilizimit të rezervistëve të ushtrisë për të luftuar në Ukrainë.

Sipas fotove dhe videove të publikuara nga media e pavarur, protestuesit janë arrestuar në Khabarovsk, Novosibirsk, Irkutsk, Tomsk dhe Chita në Siberi, ku mediat thonë se pjesa më e madhe e "mobilizimit të pjesshëm" të urdhëruar nga Putin javën e kaluar po zhvillohet. Demonstruesit mbanin pankarta ku shkruhej "Ne nuk jemi mish".

Protestat janë planifikuar për sot edhe në qytetet më të mëdha ruse, Moskë dhe Shën Petersburg.

Video e ditës