Kampioni francez PSG vendosi të forcojë më tej sulmin dhe shkoi pas nënshkrimit të lojtarit të Manchester United, Marcus Rashford, shkruan “Lequip”.

Trajneri i PSG-së, Christophe Galtier, definitivisht ka vendosur të kalojë Mauro Icardin dhe dëshiron të rrisë konkurrencën në sulm me Rashford, të cilit i skadon kontrata me Manchester United vitin e ardhshëm.

PSG tashmë ka nisur bisedimet me drejtuesit e United dhe sipas “Lequip”, negociatat po shkojnë në drejtimin e duhur dhe pritet që në fund të afatit kalimtar Rashford të kalojë në “Parc de Princes”.

Sipas transfermarkt, Rashford vlerësohet në 60 milionë euro, por është e sigurt që PSG nuk ka ndërmend të ofrojë aq para për një lojtar të cilit kontrata i skadon vitin e ardhshëm.
Më herët, PSG-ja solli të riun Hugo Ekitike nga Reims.