Rasti i parë njerëzor i gripit të shpendëve është regjistruar në Kili
Kili ka regjistruar rastin e parë njerëzor të gripit të shpendëve, tha Ministria e Shëndetësisë.
Gripi i shpendëve është regjistruar tek një 53-vjeçar me simptoma të rënda gripi, por ai është në gjendje stabile, thuhet në njoftimin e ministrisë.
Qeveria po heton burimin e infeksionit dhe personat e tjerë që kanë qenë në kontakt me pacientin. Kili ka parë raste të gripit të shpendëve, H5N1, te kafshët e egra vitin e kaluar.
Rastet e fundit të fermave industriale kanë detyruar qeverinë të ndalojë eksportin e shpendëve. Të njëjtat raste janë raportuar në fermat e shpendëve në Argjentinë, por në Brazil, eksportuesi më i madh i shpendëve, deri më tani nuk është regjistruar një rast i tillë.
Zyrtarët shëndetësorë të Kilit theksojnë se virusi mund të transmetohet nga zogjtë ose gjitarët detarë te njerëzit, por nuk ka asnjë rast të njohur të transmetimit të virusit nga njeriu te njeriu.
Në fillim të vitit, Ekuadori konfirmoi rastin e parë të transmetimit njerëzor të gripit të shpendëve në një vajzë nëntëvjeçare.
Zyrtarët globalë të shëndetësisë thonë se transmetimi nga njeriu te njeriu i virusit është shumë i ulët, por prodhuesit e vaksinave tashmë po përgatisin vaksina kundër gripit të shpendëve për njerëzit "për çdo rast".