Kufomat e gjymtuara dhe pjesët e trupit të copëtuara të 12 personave u gjetën dje në shtatë lokacione në të gjithë zonën metropolitane të Monterrey, kryeqyteti industrial i Meksikës, pasi një valë e re dhune shqetësoi banorët e qytetit.

Mediat britanike thonë se këto imazhe të tmerrshme kujtojnë periudhën e përgjakshme të dekadës së mëparshme, kur konfliktet midis karteleve të drogës përfshiu Monterrey-n dhe trupat e viktimave ose u lanë në rrugë ose u varën nga urat e qytetit.

Një brutalitet i tillë përgjithësisht praktikohet më pak sot në qytetin që u zgjodh kohët e fundit si vendi i një fabrike të re makinash Tesla.

Autoritetet thanë se përleshjet e djeshme dukej se ishin një sulm i koordinuar dhe me gjasë u shkaktuan nga përleshjet e brendshme brenda një grupi kriminal me bazë në shtetin kufitar të Tamaulipas.

- Nga mesazhet që janë lënë (në trupa), mund të konstatohet se ka një korrelacion (me konflikte të brendshme), tha prokurori i shtetit Pedro Hardon, duke iu përgjigjur pyetjeve të gazetarëve.

Fotot e mesazheve të supozuara të gjetura kanë qarkulluar në shtypin lokal dhe mediat sociale kanë sugjeruar se vrasjet janë kryer nga anëtarë të Kartelit Verilindor në shenjë hakmarrjeje për infiltrim të supozuar në organizatën e tyre.