Gjysmë ton kokainë gjendet në qese kafeje në Zvicër
Më shumë se 500 kilogramë kokainë, me vlerë më shumë se 50 milionë franga zvicerane, u gjetën në një enë me kokrra kafeje të destinuara për fabrikën e Nespresso në qytetin perëndimor të Zvicrës, Romont, tha sot policia lokale.
Fabrika Nespresso thuhet se informoi policinë mbrëmë se stafi kishte gjetur "materie të bardhë të papërcaktuar" gjatë shkarkimit të thaseve me kokrra kafeje që sapo kishin ardhur nga Brazili dhe testet treguan se ishte kokainë.
“Substanca në fjalë nuk ka rënë në kontakt me asnjë nga produktet tona ose me pajisjet e prodhimit të përdorura për prodhimin e produkteve tona”, tha Nespresso në një deklaratë.
Shtohet se hetimet policore janë duke vazhduar dhe se nuk mund të jepen më shumë detaje rreth ngjarjes së përmendur.
"Ne duam t'i sigurojmë konsumatorët se të gjitha produktet tona janë të sigurta për t'u përdorur," tha prodhuesi zviceran i kafesë.