Zjarri i parë i madh pyjor në Evropë këtë vit u regjistrua në Spanjë, ku zjarri në provincën Castellon ka përfshirë më shumë se 4.000 hektarë pyje.

Sipas mediave spanjolle, zjarri po përhapet në një perimetër prej 40 kilometrash në një zonë të gjerë që shtrihet deri në provincën e Teruelit. Për shkak të përhapjes së zjarrit, autoritetet u detyruan të evakuojnë 1.500 qytetarë.

“Rreth 500 zjarrfikës janë duke shuar zjarrin dhe po përpiqen të parandalojnë përhapjen e zjarrit. Sot më shumë se 500 ushtarë dhe 20 aviatorë po vazhdojnë punën e tyre”, tha shërbimi zjarrfikës në këtë pjesë të Spanjës.

Për zjarrin foli edhe ministrja e Drejtësisë dhe e Brendshme Gabriela Bravo, e cila tha se zjarri ndodhet në zonë kritike.

“Zjarri ka arritur në pjesën ku ka shumë “karburante” për shkak të pyllit të dendur. Për këtë arsye është e nevojshme angazhimi i shërbimeve të aviacionit në shuarje. “Zjarri fitoi shumë fuqi”, tha ajo.

Ajo iu referua edhe shkaqeve të mundshme të zjarrit. – Jemi duke hetuar nëse shkaku është faktori njerëzor, por ende nuk kemi përfundime të qarta. Garda Civile po udhëheq hetimin, tha ajo.