U arrestua sipërmarrësi më i pasur bullgar i ndërtimit
Sipërmarrësi dhe biznesmeni i ndërtimit Veliko Zhelev është arrestuar dhe Ministria e Punëve të Brendshme bullgare në prani të tij ka kontrolluar zyrat e tij, raporton Euronews Bulgaria.
Sipas informacioneve fillestare bëhet fjalë për një hetim shtrëngues. Më shumë detaje priten nesër. Sipas të dhënave fillestare, biznesmeni ka detyruar punonjësin e tij të firmoste dokumente me përmbajtje false, shtoi MPB.
Veliko Zhelev është ish-udhëheqës i agjencisë qeveritare për infrastrukturë rrugore dhe aktualisht është pronar i Hidrostroj SHA. Ai është një nga biznesmenët më me ndikim në ndërtim në Bullgari.
Hidrostroy është i angazhuar në disa vende, si ndërtimi i autostradës Hemus, në rrugën Dobrich-Varna në Bullgarinë verilindore, për pastrimin dimëror të Varnës dhe ndërtimin e komplekseve të banimit. Kompania “Hidrostroj” e Veliko Zelev ka marrë një porosi prej 360.000.000 BGN (180.000.000 euro) për ndërtimin e një tuneli nën malin Shipka në Stara Planinë.
Zhelev drejtoi Agjencinë për Infrastrukturë Rrugore në kohën kur kryeministër i Bullgarisë ishte Simeoni i Sakse-Koburgut. Në kohën e Koalicionit të Trefishtë, ai ishte këshilltar i ministrit të atëhershëm të Transportit Asen Gagauzov, “i cili u bë i famshëm pas skandalit korruptiv gjatë ndërtimit të rrugëve Batko dhe Bratko”, kujton Euronews Bulgaria.