Presidentja e Komisionit Evropian, Ursula von der Leyen, tha sot se qëndrimi i Kinës ndaj luftës në Ukrainë do të jetë një "faktor vendimtar për marrëdhëniet BE-Kinë".

Kina, si një anëtare e përhershme e Këshillit të Sigurimit të OKB-së, ka përgjegjësinë të luajë një rol konstruktiv në promovimin e paqes bazuar në integritetin territorial të Ukrainës, me tërheqjen e forcave ruse, tha presidenti i KE.

“Çdo plan paqeje që konsolidon aneksimet ruse nuk është thjesht një plan i qëndrueshëm”, tha Von der Leyen në një fjalim në Bruksel përpara se të nisej për në Pekin, raportuan mediat britanike.

Kreu i KE tha se “faktori vendimtar për vazhdimin e marrëdhënieve mes BE-së dhe Kinës do të jetë mënyra se si Kina do të vazhdojë të sillet ndaj luftës së Putinit”.