Presidentët e vendeve anëtare të NATO-s nga Evropa Qendrore dhe Lindore me një deklaratë të përbashkët në lidhje me vendimin e Rusisë për aneksimin e paligjshëm të territoreve të Ukrainës theksuan se nuk do ta pranojnë kurrë.

- Ne, presidentët nga Evropa Qendrore dhe Lindore, nga vendet, liderët e të cilëve vizituan Kievin gjatë luftës dhe personalisht dëshmuan pasojat e agresionit rus, nuk mund të heshtim përpara shkeljes flagrante të së drejtës ndërkombëtare nga Federata Ruse dhe në këtë drejtim ne bëjmë Deklarata e mëposhtme: Ne përsërisim mbështetjen tonë për sovranitetin dhe integritetin territorial të Ukrainës. Ne nuk njohim dhe nuk do të njohim kurrë përpjekjet ruse për të aneksuar ndonjë territor ukrainas. Ne i qëndrojmë vendosmërisht vendimit të Samitit të NATO-s në 2008 në Bukuresht për anëtarësimin e Ukrainës në të ardhmen. Ne mbështesim plotësisht Ukrainën në mbrojtjen e saj kundër pushtimit rus, kërkojmë që Rusia të tërhiqet menjëherë nga të gjitha territoret e pushtuara dhe inkurajojmë të gjithë aleatët që të rrisin ndjeshëm ndihmën ushtarake për Ukrainën. Kushdo që kryen një akt agresioni duhet të mbajë përgjegjësi dhe të vihet para drejtësisë - thuhet në deklaratën e përbashkët të nënshkruar nga:

Milos Zeman, President i Republikës Çeke
Alar Karis, President i Republikës së Estonisë
Egils Levits, President i Republikës së Letonisë
Gitanas Nauseda, President i Republikës së Lituanisë
Stevo Pendarovski, President i Republikës së Maqedonisë së Veriut
Milo Gjukanoviq, President i Republikës së Malit të Zi
Andrzej Duda, President i Republikës së Polonisë
Klaus Iohannis, President i Rumanisë
Zuzana Čaputova, Presidente e Republikës së Sllovakisë