Kreu i Partisë Socialiste në pushtet në Shqipëri, Edi Rama, mbetet politikani më popullor në vend. Ai la pas demokratin Sali Berisha dhe kreun e Partisë së Lirisë, Ilir Meta.

Duke komentuar rezultatet, gazetari dhe analisti i njohur Skender Minjozi i mbështet dhe mendon se Rama “mund të fitojë çdo garë me Berishën dhe Metën”.

“Kur shihet në kontekst me dy konkurrentët e tjerë, Rama mund të fitojë çdo garë me ta, dy të parët hynë në politikë në 1991 dhe Rama në 1998”, tha ai.

Megjithatë, kur bëhet fjalë për perceptimin e qytetarëve për qeverinë e kryesuar nga Rama, krahasuar me një sondazh të kryer vitin e kaluar, përqindja e të pakënaqurve po rritet.
Nga gjithsej të anketuarit, 61 për qind e qytetarëve kanë mendim negativ për punën e qeverisë aktuale, vetëm 18 për qind kanë mendim pozitiv, ndërsa 21 për qind nuk kanë mendim as pozitiv e as negativ.

Një vit më parë, 43 për qind e qytetarëve kanë pasur mendim negativ për Qeverinë, 36 për qind kanë mendim pozitiv dhe 21 për qind nuk kanë dhënë përgjigje.