Protesta kundër propozimit francez nisi para qeverisë

Protesta para Qeverisë: Foto “Ultimatum-Jo faleminderit”

Para Qeverisë sonte ka vazhduar protesta nën moton “FUNDIT – Jo faleminderit”. Pjesëmarrësit janë kundër pranimit të propozimit francez për heqjen e vetos bullgare dhe hapjen e negociatave për anëtarësimin e Maqedonisë së Veriut në BE.

Sipas tyre, mohimi i së drejtës për vetëvendosje dhe kushtëzimi i integrimeve evropiane të Maqedonisë me pranimin e fshirjes së njëanshme të veçorive kulturore dhe historike dhe mosnjohjes së njëanshme të gjuhës, nuk është pjesë e kritereve për anëtarësim në BE as një rregull mes shteteve anëtare.

Protesta që filloi mbrëmë zyrtarisht nuk ka organizator, por është përkrahur nga partitë politike dhe organizatat e shoqërisë civile, të cilët mendojnë se propozimi është jashtëzakonisht i keq për popullin maqedonas dhe interesat kombëtare maqedonase. Protesta mori mbështetje edhe nga partia më e madhe opozitare VMRO-DPMNE, lideri i së cilës Hristija Mickoski u bëri thirrje qytetarëve që të bashkohen, në mënyrë që, siç tha ai, të mbrojnë atë që quhet vlerë evropiane dhe të shpëtojnë procesin e negociatave me Bashkimin Evropian.

Dhe sonte pjesëmarrësit dërgojnë mesazhe kundër propozimit francez dhe apelojnë që të mos nënshkruhet. Këndohet himni kombëtar dhe në altoparlant luhen këngë patriotike.

Video e ditës