Drejtoria për Mbrojtje dhe Shpëtim bën të ditur se zjarri në Belovodicë dhe Mariovë është vënë nën kontroll.

“Drejtori i Drejtorisë për Mbrojtje dhe Shpëtim, Xhevat Selimi, në vazhdimësi nga terreni monitoron situatën me zjarre aktive në gjithë Republikën e Maqedonisë së Veriut. Ai sot në koordinim me të gjitha forcat republikane ka koordinuar zjarrin në zonën e Prilepit afër fshatrave Peshtani - Kokër - Kalen - Dunje - Bonçe - Krushevicë - Volkovë - Shtavicë, Komuna e Prilepit, në krye me komandantin e incidentit Ivica Naumovski. U mobilizuan ekipe të specializuara për të përballuar shpejt zjarrin, për shuarjen e zjarreve në hapësirë ​​të hapur. Njëkohësisht në mbështetje të trajtimit të nyjeve të zjarrit janë përfshirë edhe avionët e Drejtorisë për Mbrojtje dhe Shpëtim”, bëjnë të ditur nga Drejtoria për Mbrojtje dhe Shpëtim.