Të lënduarit nga aksidenti me autobus serb në Bullgari në autostradën Trakia, sot do të transportohen në pikën kufitare Kalotinë me dy ekipe të Qendrës së Ndihmës Mjekësore Emergjente nga Stara Zagora. Kjo është bërë e ditur nga Ministria e Shëndetësisë e Bullgarisë.

Pacientët që do të transportohen janë në gjendje të përgjithshme të përmirësuar. Është rregulluar që pas kalimit të kufirit t'i marrin përsipër ekipet mjekësore serbe.

Një i rritur mbetet në spitalin e Stara Zagorjes dhe pritet që brenda pak ditësh të transferohet në Serbi.

Drejtuesi i autobusit që doli nga rruga vazhdon të jetë në paraburgim.

Ndaj tij është bërë kallëzim penal për shkelje të rregullave të qarkullimit rrugor dhe aksident trafiku pa dashje gjatë drejtimit të autobusit më 14 gusht në autostradën Trakia në afërsi të Stara Zagorës. Me këtë shoferi i ka shkaktuar lëndime trupore 12 fëmijëve të moshës gjashtë deri në 16 vjeçare dhe një mashkulli 40 vjeçar, si dhe lëndim të rëndë trupor një mashkulli 42 vjeçar, ka thënë gjykata në Stara Zagora.