Presidenti i Institutit Kombëtar Italian të Gjeofizikës dhe Vullkanologjisë, Karlo Doglioni, tha sot se lëvizja e pllakave tektonike që shkaktuan tërmetin në Turqi e zhvendosi territorin e atij vendi për tre metra.

“Ajo që ne e quajmë pllaka arabe ka lëvizur tre metra në drejtimin verilindje-jugperëndim në krahasim me pllakën e Anadollit”, tha Doglioni, duke shtuar se ka një zhvendosje prej tre metrash në një gjatësi prej rreth 160 kilometrash, raporton Daily Mail.

Numri i të vdekurve nga seria e tërmeteve të forta që goditën Turqinë dhe Sirinë i kaloi 7.200, mbi 25.000 persona u plagosën dhe sipas vlerësimeve të autoriteteve, më shumë se 23 milionë njerëz në të dy vendet do të preken nga pasojat e fatkeqësisë natyrore.

VIDEO | Një rreze shprese nga nën rrënoja: Binjakët XNUMX vjeç e gjysmë nxirren të gjallë në Turqi