Luftëtarët e fundit ukrainas nga Azovstal u dorëzuan, tha Moska
Ministria ruse e mbrojtjes tha sonte se uzina Azovstal në Mariupol ishte "çliruar plotësisht".
“Territori i uzinës metalurgjike Azovstal në Mariupol, ku një grup militantësh ukrainas nga formacioni nazist Azov është bllokuar që nga 21 prilli, është çliruar plotësisht”, tha sonte zëdhënësi Igor Konashenkov.
“Grupi i fundit u dorëzua sot”, shtoi ai.
Mediat ruse kanë raportuar se ministri i Mbrojtjes Sergei Shoigu ka njoftuar tashmë presidentin Vladimir Putin për përfundimin e operacionit dhe çlirimin e plotë të Azovstal dhe qytetit të Mariupol nga forcat ukrainase.
Ministri Shoigu tha se objektet nëntokësore në fabrikë ishin nën kontrollin e trupave ruse.
Ministria e Mbrojtjes njoftoi se 2.439 neo-nazistë nga “Azov” dhe ushtarë ukrainas të bllokuar në territorin e fabrikës lanë armët dhe u dorëzuan. Grupi i fundit prej 531 militantësh është dorëzuar sot.
Këto pretendime nuk mund të konfirmohen dhe pala ukrainase nuk i është përgjigjur ende lajmeve të Ministrisë së Mbrojtjes ruse.
Burimi: MIA