Kryeministri portugez Antonio Costa tha sot se do të dërgojë tanke "Leopard 2" në Ukrainë, duke shtuar se vendi i tij po negocion me Gjermaninë për blerjen e pjesëve të nevojshme për riparimin e tankeve Leopard të papërdorshme të Forcave të Armatosura Portugeze.

Costa nuk tha se sa tanke do të dërgoheshin në vendin, i cili prej një viti po përballet me një pushtim nga fqinji i tij Rusia.

- Jemi duke punuar për organizimin e dorëzimit. Unë e di se sa tanke do të dërgojmë në Ukrainë, por do ta shpallim atë informacion në kohën e duhur, tha Costa për agjencinë Lusa gjatë udhëtimit në Republikën e Afrikës Qendrore, raportoi Guardian.

Admirali Antonio Silva Ribeiro, komandanti i forcave të armatosura të Portugalisë, tha muajin e kaluar se Portugalia kishte 37 tanke Leopard 2, pasi mediat lokale raportuan se shumica e tyre ishin me defekt.