Në zgjedhjet e djeshme parlamentare në Sllovaki, partia Smer SSD e udhëhequr nga ish-kryeministri Robert Fico fitoi numrin më të madh të votave – 23,31 për qind, bazuar në 99,2 për qind të votave të numëruara, njoftoi Instituti Sllovak i Statistikave.

Sipas rezultateve jozyrtare të zgjedhjeve, partia Sllovakia Progresive përfundoi në vendin e dytë me 16,98 për qind, megjithëse parashikimet parazgjedhore parashikonin fitoren e saj, e ndjekur nga Glas-SD (14,98 për qind), koalicioni OLANO-Për Bashkimin Popullor të Krishterë ( 9,02 për qind), KDH (6,91 për qind), SaS (6,18 për qind) dhe Partia Kombëtare Sllovake (SNS) me 5,67 për qind, raporton TASR.

Ndër partitë që nuk kanë hyrë në parlament janë Republika (4,8 për qind), Aleanca (4,46 për qind), Demokratët (2,92 për qind) dhe Ne Jemi Familje (2,25 për qind), ndërsa pjesa tjetër e partive kanë marrë më pak se një për qind të vota.

Pjesëmarrja ishte 68,06 për qind, njoftoi Zyra e Statistikave Sllovake.

BBC raportoi se bazuar në pothuajse të gjitha votat e numëruara, ishte e qartë se "partia proruse e udhëhequr nga ish-kryeministri Robert Fico" kishte fituar zgjedhjet parlamentare në Sllovaki.