Ish-kryeministri australian Morrison e ka emëruar veten në disa poste ministrore
Informacioni se ish-kryeministri australian u emërua në disa poste ministrore gjatë pandemisë Covid-19 shkaktoi sot një skandal politik. Pasardhësi i tij premtoi një hetim të shpejtë.
Kryeministri Anthony Albanese akuzoi ish-kreun e qeverisë, Scott Morrison, për lëvizje të këqija politike, pasi u zbulua informacioni se ai ishte emëruar ndër të tjera në postet e ministrit të Shëndetësisë, Financave dhe Burimeve dhe nuk kishte njoftuar kolegët e tij, Kuvendin, votuesit.
Albanese tha sot se ka kërkuar asistencë ligjore, duke i cilësuar lëvizjet e Morrison si “të paprecedentë”. Ai pret informacione shtesë gjatë ditës.
- Këto janë lëvizje politike që do të përqesheshin nëse do të ishin në një shtet jodemokratik. Scott Morrison e drejtoi qeverinë nga hija, pretendon Albanese.
Siç shkruhet, në disa raste Morrison është emëruar ministër, dhe nuk ka njoftuar anëtarët e kabinetit, të cilët i kishte emëruar më parë në të njëjtat poste.