Ish-ndihmësja e Hillary Clinton akuzon senatoren amerikane për sulm seksual ndaj saj
Hillary Abedin, një ish ndihmëse e ngushtë e Hillary Clinton, shkroi në kujtimet e saj se ishte sulmuar seksualisht nga një senator amerikan.
Abedin thekson në libër se një politikan i paidentifikuar e sulmoi atë në mesin e viteve 2000 pasi e ftoi në shtëpinë e tij, ku ai u përpoq ta puthte, por ajo refuzoi dhe iku, transmeton Guardian.
Sipas gazetës britanike, ky pretendim përshkruhet në detaje në librin e saj të ri “Both / And: A Life in Many Worlds”, i cili do të botohet javën e ardhshme. Libri përshkruan një sulm seksual ndërsa ajo flet për punën e saj për Hillary Clinton, kur ajo ishte senatore amerikane për Nju Jorkun midis 2001 dhe 2009, dhe Abedin, tani 45 vjeç, nuk zbulon identitetin e senatorit apo partisë së tij.
Ajo gjithashtu përshkruan zemërimin e saj ndaj ish-bashkëshortit të saj, ish-kongresmenit të Nju Jorkut, Anthony Weiner, karriera e të cilit është dëmtuar nga skandalet seksuale.
Abedin ishte një nga bashkëpunëtorët më të besuar të Hillary Clinton, e cila ishte Sekretare e Shtetit në administratën e Obamës dhe që dikur e përshkruante atë si "vajzën e dytë".
Burimi: MIA