Kanë kaluar pesë vjet nga dita kur u mbajt referendumi në të cilin u votua Marrëveshja ndërmjet Maqedonisë dhe Greqisë. Më 30 shtator 2018, nga gjithsej 1.806.336, në referendum morën pjesë 666.743 qytetarë, nga të cilët 609.813 votuan “PËR” dhe 37.700 votuan “KUNDËR”, ndërsa 19.230 fletëvotime u shpallën të pavlefshme.

Kryeministri i asaj kohe, Zoran Zaev, sot në profilin e tij në Facebook ka rikujtuar rëndësinë e asaj date.

“Pesë vjet pas referendumit për hapin tonë historik përpara, ne po përballemi me sfida të reja komplekse. “Qeveria jonë arriti të gjejë një zgjidhje kompromisi me Bullgarinë e paraqitur në propozimin evropian dhe në kornizën tonë negociuese dhe një pjesë e kësaj zgjidhjeje përmban edhe obligimet tona për të cilat është e nevojshme një marrëveshje e shumicës ndërpartiake”, tha Zaev.

Marrëveshja mes dy vendeve u nënshkrua më 12 qershor 2018, duke zgjidhur një mosmarrëveshje dekadash mes dy palëve.