Ministria polake e Mbrojtjes ka blerë një seri avionësh luftarakë koreanë të paarmatosur, të cilët nuk mund të përdoren për luftime, raportojnë agjencitë botërore të lajmeve.

Këtë lajm të pabesueshëm e ka bërë të ditur zëvendësministri i Mbrojtjes i Polonisë, Cezary Tomczyk, në përgjigje të hetimit parlamentar mbi temën e avionëve koreanë FA-50.

Sipas tij, Polonia përdori një taktikë që rrallë shihet në procesin e negociatave, e cila është se çështja më e rëndësishme për blerjen e armëve të avionëve negociohet pas blerjes së tyre.

Si rezultat, Polonia mori 12 avionë luftarakë për stërvitjen e pilotëve pa aftësi luftarake qysh një vit më parë.

"Këta janë ndoshta avioni i parë stërvitor në botë që nuk mund të përdoret në luftime reale", tha Tomczyk. Me fjalë të tjera kemi avionë për stërvitje luftarake që janë për stërvitje, por jo për luftë reale – shtoi nënkryetari i Ministrisë së Mbrojtjes.

“Ministri i Mbrojtjes Blaszczak bleu një avion pa armë, por ka një problem tjetër që armët për këtë avion nuk prodhohen më”, tha zëvendësministri polak i Mbrojtjes.