Policët e Agjencisë Shtetërore për Hetim dhe Mbrojtje (SIPA) sot në kuadër të ATM-së së Operacionit Ndërkombëtar kanë nisur kontrollet e objekteve afariste dhe banesore dhe pasurive të luajtshme në 13 lokacione në zonën e Sarajevës dhe Zenicës.

Veprimtaritë e përmendura kryhen për shkak të ekzistimit të bazave të dyshimit se janë kryer veprat penale “krim i organizuar” dhe “pastrimi i parave” të parapara me Kodin Penal të Bosnjës dhe Hercegovinës. Kontrollet kryhen me urdhër të Gjykatës së Bosnjë-Hercegovinës dhe nën mbikëqyrjen e Prokurorisë së BeH në bashkëpunim me policët e Ministrisë së Punëve të Brendshme të Kantonit të Sarajevës dhe Kantonit Zenicko-Doboj.

Këto aktivitete janë rezultat i punës së Ekipit të Përbashkët Hetimor të SIPA-s dhe Prokurorisë së BeH-së dhe Zyrës së Prokurorit Special dhe policisë, e cila filloi në shkurt të vitit të kaluar.

Në kuadër të këtij aksioni operacional ndërkombëtar të kryer nga policët e SIPA-s në Bosnje dhe Hercegovinë, sot kanë filluar kontrollet edhe në Slloveni në më shumë se 70 lokacione, në kuadër të të cilave planifikohet të arrestohen më shumë se 50 persona, raportojnë mediat e Sarajevës.

Po punohet për mbledhjen e të dhënave për fondet që të dyshuarit kanë në llogari bankare dhe kasaforta.