Në një aksion të përbashkët të inspektorëve nga Departamenti i Kontrollit dhe Hetimeve të Drejtorisë doganore me Departamentin e Policisë së Krimit – Departamenti për Krim Ekonomik dhe Korrupsion të Ministrisë së Punëve të Brendshme, dhe inspektorët e Drejtorisë së të Ardhurave Publike dhe Inspeksionit të Tregut, Janë sekuestruar pothuajse gjysmë ton duhan nargjile, cigare elektronike dhe lëngje e-cigare.

-Dje në disa lokacione në Shkup në kuadër të aksionit të koordinuar është kryer kontroll në të cilin janë zbuluar dhe konfiskuar produkte akcize të pa markuara pa pulla akcize, nga të cilat 454 kilogramë duhan nargjile, 2.290 copë cigare elektronike me përmbajtje. 15.130 mililitra lëng për cigare elektronike, njoftoi sot Drejtoria doganore.

Me këtë konfiskim është parandaluar tentativa për lëshimin e mallrave të akcizës në qarkullim të lirë, për çka është shmangur pagesa e detyrimeve prej gjithsej 2,5 milionë denarë.

- Malli i konfiskuar do t'i dorëzohet Agjencisë për Menaxhimin e Pasurisë së Konfiskuar në pajtim me dispozitat ligjore, ndërsa ndaj personave të përfshirë juridikë dhe fizikë janë dorëzuar raportet përkatëse deri te institucionet kompetente, njofton Drejtoria doganore.