Policia në shtetin amerikan të Ohajos vrau një burrë afrikano-amerikan, Jayland Walker (25), duke qëlluar në të një duzinë plumbash teksa ai përpiqej të ikte, tha avokati i familjes së të vrarës.

Avokati iu referua regjistrimit të policisë, i cili duhet të publikohet nesër.

Zyrtarët thanë se incidenti filloi kur oficerët u përpoqën të tërhiqnin Walker për një shkelje të trafikut ndërsa ai po ngiste makinën herët në mëngjes të së hënës.

Walker iku dhe policia e Akron tha se oficerët raportuan se një armë ishte shkrepur nga automjeti i të dyshuarit.

Pas disa minutash, Walker doli nga automjeti dhe filloi të vraponte ndërsa oficerët e ndoqën dhe qëlluan drejt tij, duke deklaruar se ai përbënte një kërcënim vdekjeprurës, sipas një deklarate të policisë të lëshuar të martën.

Walker u vra në një parking.

Në komentin e sotëm të publikuar në “Akron Becom Journal”, avokati Bobby DiCello e cilësoi materialin video si brutal dhe tha se të afërmit e Walker ishin të shqetësuar se protestat e planifikuara për nesër mund të kthehen të dhunshme, raportojnë mediat britanike.

Është e fundit në një seri vrasjesh policore të afrikano-amerikanëve në SHBA që kritikët thonë se janë të pajustifikuara, duke përfshirë vrasjen e George Floyd në Minneapolis në vitin 2020, e cila shkaktoi protesta globale kundër brutalitetit të policisë.

Të gjithë po përgatitemi për reagimin e komunitetit dhe mesazhi i vetëm që kemi është se familja nuk ka nevojë për më dhunë, tha Disello.

Policia e Akron tha se Walker qëlloi me armë ndaj oficerëve që po e ndiqnin dhe planifikon të publikojë pamjet e kamerave të trupit të oficerëve në një konferencë shtypi nesër, disa orë përpara marshimit të protestës.