Pochettino do të jetë trajneri i ardhshëm i Anglisë?!
Gazeta “Telegraph” shkruan se ekipi i futbollit të Anglisë së shpejti do të marrë një trajner të ri dhe ai do të jetë Mauricio Pochettino.
Gazeta shkruan se gjoja përfaqësuesit e të dyja palëve kanë pasur bisedime që kanë kaluar në një atmosferë të këndshme dhe të dyja palët janë të interesuara për bashkëpunim.
Pochettino ishte në tribunat e stadiumit Wembley ku ndoqi ndeshjen e xhiros së fundit të Ligës së Kombeve ndërmjet Anglisë dhe Gjermanisë që përfundoi pa fitues 3:3.
“Telegrafi” nuk thekson nëse Pochettino do ta pasojë Gareth Southgate në stolin e kombëtares angleze para Botërorit të Katarit që do të luhet nga 20 nëntori deri më 18 dhjetor apo menjëherë pas tij.
Trajneri aktual Southgate është kritikuar nga publiku dhe media për paraqitjet e tij të dobëta kohët e fundit, të cilat kanë rezultuar në rënien e Anglisë nga divizioni elitar i Ligës së Kombeve.
Mauricio Pochettino është jashtë fushës pasi u shkarkua nga PSG në fund të sezonit të kaluar.