Filmi poetik “Sonata verore për qytetin tim” do të shfaqet edhe në Gjermani
Filmi poetik “Sonata verore për qytetin tim” me regji të Maria Shakleva është përzgjedhur në përzgjedhjen speciale “Pasqyra botërore e poezisë” në festivalin ndërkombëtar të filmit “Poetry Film Tage” në Weimar të Gjermanisë. Festivali do të mbahet më 19 dhe 20 maj të këtij viti.
Filmi poetik "Sonata verore për qytetin tim" është incizuar në bazë të poezisë me të njëjtin emër të poetit Andrej Al-Asadi, muzikën e filmit e ka punuar Jovan Jovanovski, ndërsa kinematografi Ilija Zhogovski.
Piktura artistike që shfaqet si motiv në film është vepër e piktorit Vladimir Ilievski. Producente e filmit është Juliana Veliçkovska, ndërsa regjisorja Sandra Gjorgieva është këshilltare eksperte.
Filmi poetik është pjesë e projektit “Lyric Mapping of Skopje”, projekt i “PNV Publications”, i mbështetur nga Qyteti i Shkupit dhe është shfaqur për herë të parë në shtator të vitit 2022. në kuadër të “Festivalit të Poezisë në Shkup”.
Së fundmi filmi është përzgjedhur edhe në përzgjedhjen zyrtare të festivalit ndërkombëtar “Poetry Film Festival – Los Angeles” (International Poetry Film Festival – Los Angeles) në SHBA, ku do të shfaqet më 29 prill.