Podolyak: Rusia ndryshoi taktikat ushtarake për të detyruar Ukrainën të pranojë lëshime territoriale

Mihailo Podoljak / Foto: EPA

Mihail Podoljak, këshilltari i presidentit ukrainas Volodymyr Zelensky, tha sot se Rusia ka ndryshuar taktikat e saj ushtarake për të detyruar vendin e tij të pajtohet me lëshime territoriale, transmeton Ukrinform.

- Rusia ka ndryshuar taktikat e saj. Tani ajo sulmon qytetet tona me raketa lundrimi më të fuqishme. Pse? Sepse nga pikëpamja ushtarake, siç e kemi parë, rusët nuk dinë të luftojnë shumë mirë, tha Podoljak.

Këshilltari i Zelenskiy theksoi se Rusia ka kaluar në taktika ushtarake, me të cilat dëshiron të shkaktojë panik masiv në Ukrainë, të trembë njerëzit dhe t'i detyrojë ata të bëjnë presion mbi qeverinë tonë për të rënë dakord për disa lëshime për Rusinë.

Sipas tij, Rusia investon edhe në lobin e saj pro-rus në skenën politike në vendet e tjera për të marrë mbështetje prej saj.

“Sot është publikuar një artikull i ri i zotit Kissinger, në të cilin ai përsëri thotë se duhet të bëhen disa lëshime territoriale dhe vetëm atëherë do të shfaqet mundësia e ndalimit të luftës”, shtoi Podoljak.

Video e ditës