Podoljak: Mbrojtësit e Mariupolit "ndryshuan rrjedhën e luftës"

Imazhi satelitor i Mariupolit
Imazhet satelitore të Mariupolit / Foto: EPA-EFE / MAXAR TECHNOLOGIES HANDOUT

Mbrojtësit e Mariupolit "ndryshuan rrjedhën e luftës" duke zgjatur 82 ditë, tha këshilltari i presidentit ukrainas. Mihajlo Podoljak.

Sipas BBC, ai tha se mbrojtja e qytetit port ndaloi operacionin e Rusisë për të pushtuar territore në lindje dhe jug të vendit.

Sipas tij, bisedimet për evakuimin e më shumë njerëzve nga uzina e çelikut Azovstal, zona e fundit e mbetur e qytetit nën kontrollin e Ukrainës, ishin të vështira, por kishte shpresë se ato do të ishin të suksesshme.

Podoljak, një nga negociatorët e Ukrainës, tha se bisedimet e përgjithshme të paqes me Rusinë në fakt po "pushonin" dhe përsëriti se Ukraina nuk ishte gati të lëshonte asnjë territor.

Por ai shtoi se "çdo luftë do të ketë të njëjtin fund - në tryezën e bisedimeve".

Video e ditës