Kompania Kosovare për Shpërndarjen e Energjisë Elektrike (KEDS) ka njoftuar se sot fillojnë kufizimet në konsumin e energjisë elektrike.

Konsumatorët do të kenë energji elektrike për gjashtë orë, e më pas dy orë do të jenë të fikur.

Kompania sqaroi se konsumatorët do të furnizohen me energji elektrike ekskluzivisht nga prodhimi vendor, pasi KEDS-i nuk ka më mundësi financiare për të blerë rrymë.

Kompania thekson se një situatë e tillë është krijuar për shkak të çmimeve enorme të energjisë elektrike në tregjet ndërkombëtare dhe mbulimit të pamjaftueshëm të kostove të sistemit.

KEDS ka akuzuar Qeverinë e Kosovës se nuk i ka dhënë furnizuesit asnjë subvencione në vlerë prej 100 milionë eurosh.

“Gjatë rishikimit të jashtëzakonshëm të tarifave, rregullatori ka marrë parasysh subvencionin shtetëror prej 100 milionë euro. Asnjë cent nga kjo shumë nuk i është shpërndarë furnizuesit. E përkeqësoi edhe më tej situatën”, thuhet në deklaratë.