Me shpalljen e emrave të laureatëve të mjekësisë, nesër fillon sezoni vjetor i nobelistëve. Tradicionalisht, çmimet e paqes dhe letërsisë tërheqin vëmendjen më të madhe.

Sipas traditës, emri i fituesit të çmimit Nobel në Mjekësi do të shpallet nesër, të martën për fizikën, të mërkurën për kiminë, të enjten për letërsinë dhe të premten për paqen. Të hënën e ardhshme do të bëhet e ditur emri i fituesit të çmimit Nobel në Ekonomi.

Deri më tani, vetëm dy fitues kanë refuzuar çmimin Nobel, dhe ai për letërsinë. Këtë e bëri Boris Pasternak në vitin 1958 nën presionin e autoriteteve sovjetike, ndërsa Jean-Paul Sartre, i cili ka refuzuar të gjitha çmimet që mori, refuzoi çmimin Nobel në vitin 1964.

Çmimet Nobel ekzistojnë falë shkencëtarit dhe industrialistit suedez Alfred Nobel, shpikësit të dinamitit, i cili donte që çdo vit të ndaheshin para nga fondi i tij për të kontribuar për njerëzimin.

Në Paris më 1895, një vit para vdekjes së tij, Nobel përfshiu në testamentin e tij dëshirën për të krijuar Fondin Nobel nga i cili do të jepen çmime për më të merituarit. Nobel (1833-1896) caktoi institucionet që do të jepnin çmimet çdo vit, duke përfshirë Akademinë Suedeze të Letërsisë, Institutin e Mjekësisë Karolinska, Akademia Mbretërore Suedeze e Fizikës dhe Kimisë dhe Komiteti i Paqes, i cili u zgjodh posaçërisht nga Parlamenti norvegjez.

Me rastin e 300-vjetorit të ekzistencës së Bankës Qendrore të Suedisë në vitin 1969, ajo vendosi Çmimin Nobel për Ekonominë.

Çmimi Nobel përbëhet nga një medalje ari, një diplomë dhe një çek prej nëntë milionë korona (rreth një milion euro), dhe shuma monetare e çmimit ndahet nëse ka disa laureatë në një disiplinë.

Dhënia e çmimeve Nobel bëhet tradicionalisht më 10 dhjetor, ditën e vdekjes së Alfred Nobelit.