Ka ndërruar jetë aktorja e njohur Olivia Newton-John
Olivia Newton-John vdiq sot në moshën 73-vjeçare pas një beteje të gjatë me kancerin e gjirit.
Aktorja ka ndërruar jetë mëngjesin e sotëm në fermën e saj në Kaliforninë Jugore, e rrethuar nga familjarë dhe miq, shkruan “Daily Mail”.
Bashkëshorti i saj John Easterling njoftoi vdekjen e saj në faqen e tij në Facebook.
– Olivia ka qenë simbol i triumfit dhe shpresës për më shumë se 30 vjet në rrugëtimin e saj me kancerin e gjirit. Frymëzimi i saj shërues dhe përvoja pioniere me mjekësinë bimore vazhdon me Fondacionin Olivia Newton-John, kushtuar mjekësisë bimore dhe kërkimit të kancerit, shtoi bashkëshorti.
Olivia lindi më 26 shtator 1948 në Britaninë e Madhe dhe ishte një këngëtare, tekstshkruese, aktore, sipërmarrëse dhe aktiviste australiane. Ajo është një fituese katër herë e çmimeve Grammy, karriera muzikore e së cilës përfshin pesë hite numër një dhe dhjetë hitet më të mira në Billboard Hot 10.
Ajo njihet më së shumti për rolin e saj si Sandy Olson në filmin “Brilliant”, ku luajti me John Travolta-n, si dhe ishte një luftëtare e pasionuar për ruajtjen e mjedisit dhe të drejtave të kafshëve.