Ka ndërruar jetë aktorja Bernadette Hunt
Aktorja Bernadette Hunt, e cila u bë e famshme me rolin e saj në serialin “Gladiators”, vdiq pas një beteje të gjatë me kancerin, shkruhet Daily Mail.
Ajo u shfaq në serialin e famshëm në sezonin e dytë në vitin 1993 dhe luajti deri në fund të serialit. Lajmin e hidhur për vdekjen e saj e ndau partneri i motrës së Bernadette, Carol – Rick Django.
Ai shkroi në rrjetet sociale se ajo ishte ndër “njerëzit më të mirë që ka takuar ndonjëherë”.
"Ajo kurrë nuk kishte një fjalë të keqe për të thënë për askënd dhe me të vërtetë njihej gjithmonë si 'gladiatorja' më e bukur, gjithmonë e gatshme të ndalonte dhe të fliste me të gjithë dhe të jepte autografe. Ajo luftoi me kancerin për vite me radhë derisa, për fat të keq, e humbi luftën”, shtoi Rick.