Plenkoviç iu përgjigj Vuçiqit: Beogradi është i mbingarkuar me atë që shkruajnë mediat tona
Kryeministri kroat Andrej Plenkoviç i është kundërpërgjigjur sot presidentit serb Aleksandar Vuçiq, i cili deklaroi se është në interes të Zagrebit që “të rrëzojë qeverinë serbe”. Plenkoviç u tha gazetarëve se Kroacia "nuk ka axhendë të fshehur" për të rrëzuar ndonjë qeveri në vendin fqinj, duke shtuar se Beogradi është shumë "i ngarkuar me shkrimet e mediave kroate".
"Qeveria kroate dhe institucionet kroate nuk kanë një axhendë të fshehur për të rrëzuar ndonjë qeveri në ndonjë vend fqinj, madje as në Serbi," u tha Plenkoviç gazetarëve.
Ai theksoi gjithashtu se Kroacia dëshiron të përmirësojë marrëdhëniet me të gjithë fqinjët e saj.
“Ne duam që Serbia të jetë e qëndrueshme dhe të zgjidhë problemet e saj në Serbi”, shtoi ai.
Një ditë më parë, Vuçiq tha se Zagrebi dhe Prishtina ishin të interesuar të rrëzonin qeverinë përmes protestave, sepse kjo "dobëson Serbinë".
Plenkoviç konfirmoi se ushtarët kroatë "nuk ishin të përfshirë në asnjë mënyrë në këto incidente që ndodhën dje".