Tetë zjarre në pyje janë aktive, nga gjithsej 13 që janë shuar gjatë ditës, njoftoi drejtori i Qendrës për Menaxhimin e Krizave, Stojance. Angelov.

Janë shuar pesë zjarre, ndërsa Angelov si zjarrin më të rëndë e ka theksuar zjarrin në Makedonski Brod, në atarin e fshatit Breznicë, i cili i kanoset fshatit, por Angelov thotë se është i bindur se fshati do të mbrohet.

- Këtu operojnë disa helikopterë gjatë gjithë ditës, efektet e tyre janë të vogla, por është ekipi hungarez prej 40 anëtarësh i zjarrfikësve, të cilët japin një kontribut të madh me mbështetjen e 50 ushtarëve profesionistë maqedonas - tha Angelov.

Zjarri i dytë i rëndë, shtoi ai, është në territorin e Komunës së Demir Hisarit, në Ilinska Planina, ku gjendja është e vështirë, ku në shuarjen e tij aktivisht marrin pjesë popullata lokale, zjarrfikësit lokalë, përfaqësues nga “Pyjet Kombëtare”. por vetë bimësia, thotë ai, krijon tym dhe e vështirëson operimin e avionëve.

Angelov theksoi se zjarri në Ohër, mbi fshatin Kosel, po ndizet sërish. Ai shtoi se zjarr ka edhe në Bogdanci, afër fshatit Poganë dhe aty janë përdorur helikopterë, por siç tha ai, për shkak të erës janë detyruar të kthehen. Zjarri ka edhe në Gjevgjeli, ndërsa zjarri po i afrohet objektit ushtarak, tha Angelov dhe shtoi se objekti po mbrohet nga ushtria.