Plakiotakis: Valët e emigrantëve u rritën me 50 për qind krahasuar me vitin 2020
Krahasuar me vitin e kaluar, kemi tre herë më shumë presion dhe krahasuar me vitin 2020, kur kulmoi instrumentalizimi i çështjes së emigrantëve, valët e emigrantëve janë rritur me 50 për qind, tha ministri i Çështjeve Detare të Greqisë. Janis Plakiotakis në intervistën për televizionin grek Sky, tha korrespondenti i MIA-s nga Athina.
Plakiotakis vuri në dukje se ka presion në kufijtë tokësorë dhe detarë dhe deri më tani, roja bregdetare e Greqisë ka parandaluar rreth 15 përpjekje të paligjshme për të hyrë në vend.
Lidhur me akuzat se ka kthime të detyruara të emigrantëve, ministri kompetent ka sqaruar se po bëhet një hetim “në nivel kombëtar, por edhe në atë evropian dhe deri më tani asnjë nga këto akuza nuk është konfirmuar”.
“Pjesëtarët e shërbimit bregdetar punojnë me vendosmëri, me respekt absolut të ligjit ndërkombëtar dhe me prioritet mbrojtjen e jetës së njerëzve. Anëtarët e Shërbimit Bregdetar, duke shkuar përtej vetvetes, kanë shpëtuar dhjetëra mijëra njerëz që nga viti 2015”, tha Plakiotakis.
Burimi: MIA