Pheniani njoftoi lëshimin e një sateliti spiun ushtarak në qershor
Koreja e Veriut konfirmoi sot se do të lëshojë një satelit spiun ushtarak në qershor, përballë “aktiviteteve të rrezikshme ushtarake nga Shtetet e Bashkuara”, njoftoi agjencia shtetërore e lajmeve të Koresë së Veriut, KCNA.
- Në qershor do të lëshohet sateliti i zbulimit ushtarak numër 1, tha nënkryetari i komitetit ushtarak të partisë në pushtet, Ri Pyeong Chol.
Ai shtoi se Koreja e Veriut lëshoi satelitin "në përgjigje të aktiviteteve të rrezikshme ushtarake të Shteteve të Bashkuara dhe vasalëve të saj".
Japonia tha dje se kishte marrë njoftim nga Koreja e Veriut për një lëshim të ardhshëm satelitor, për të cilin Tokio pretendon se mund të fshehë një lëshim rakete balistike.
Sipas autoriteteve japoneze, nisja duhet të jetë midis 31 majit dhe 11 qershorit.