Pesë persona humbën jetën pasi një helikopter i prodhuar nga SHBA u rrëzua në provincën Gangwon të Koresë së Jugut, njoftoi agjencia e lajmeve Yonhap, duke cituar shërbimin zjarrfikës.

Helikopteri Sikorsky S-58T i prodhimit amerikan u rrëzua në zonën Yangyang rreth orës 10:50 të mëngjesit me orën lokale, thanë mediat.

Fillimisht në vend u pa tymi dhe më pas pjesë të avionit morën flakë.

Sipas njoftimeve, zjarrfikësit dhe shërbimet e emergjencës kanë mbërritur në ndihmë.

Një helikopter, i marrë me qira nga autoritetet japoneze, fluturoi mbi zonë dhe analizoi pyllin për zjarre të mundshme.

Fillimisht u mendua se në momentin e aksidentit në helikopter ndodheshin vetëm dy persona - një pilot 71-vjeçar dhe një mekanik 54-vjeçar. Megjithatë, ekipet e shpëtimit gjetën pesë trupa në vendngjarje.

Kryeministri i Koresë së Jugut Han Duk-su urdhëroi autoritetet lokale të bëjnë gjithçka që është e mundur për të hequr pasojat e aksidentit dhe për të ndihmuar familjet e viktimave.

Ky është aksidenti i katërt me helikopter në Korenë e Jugut në dy vitet e fundit dhe të katër herë në aksident kanë marrë pjesë avionët e prodhuesit amerikan Sikorsky Aircraft.