Kryeministri bullgar i dorëhequr Kiril Petkov tha sot se shërbimet e tyre speciale kanë identifikuar 70 diplomatë si të lidhur me shërbimet ruse dhe që punojnë kundër interesave të Bullgarisë.

Siç njofton MIA nga Sofja, Petkov i ka uruar shërbimet bullgare dhe Ministrinë e Punëve të Jashtme për përfundimin e punës.

Të gjithë ishin diplomatë, por bënin aktivitete të pazakonta, tha kryeministri bullgar.

- Ky nuk është agresion kundër popullit rus. Kushdo që punon për interesa të huaja do të ftohet të kthehet në vendin nga ka ardhur”, tha kryeministri Petkov.

"Shumë nga këta njerëz punonin drejtpërdrejt për shërbimet e huaja dhe roli i tyre diplomatik ishte i maskuar," shtoi ai.

Të dielën, tha Petkov, ai pret që një avion plot 70 diplomatë të kthehet në Moskë.

Sipas tij, kur qeveritë e huaja përpiqen të ndërhyjnë në punët e brendshme të Bullgarisë, Sofja do ta kundërshtojë qartë.