Petkov: Zgjedhja në Bullgari është mes kthimit në të kaluarën dhe Bullgarisë së re
Ish-kryeministri bullgar, Kiril Petkov, i cili është bashkëkryetar i partisë “Ndryshimet vazhdojnë”, pas votimit në zgjedhjet e jashtëzakonshme parlamentare, tha se votimi i sotëm në Bullgari është shumë i rëndësishëm.
- Zgjedhja është mes kthimit në vitet e tranzicionit dhe një Bullgarie të re dhe të ndryshuar - tha Petkov.
Petkov tha se beson se të gjithë bullgarët në këtë moment do të bëjnë zgjedhjen që vendi të ecë përpara. Ai tha se krahas rritjes së të ardhurave të pensionistëve, do të ketë edhe rritje të pagës mesatare në Bullgari.
- Të gjithë bullgarët shpresojnë se çdo i ri bullgar do të zgjedhë Bullgarinë si shtëpi të tij, se shumë bullgarë do të kthehen nga jashtë, se do të kemi një vend të begatë, të aftë, pa korrupsion - shtoi Petkov.
Ai tha se pret që "Ndryshimet vazhdojnë", me një koalicion të qartë rreth tij, për të qeverisur popullin bullgar.