Mëlçia e dhjamosur ndodh për shkak të depozitimit të yndyrës shtesë. Lajmi i mirë është se shumica e të sëmurëve shpesh nuk kanë simptoma dhe nuk u shkakton atyre probleme serioze. Por në disa raste, mëlçia e yndyrshme mund të çojë përfundimisht në dëmtim të mëlçisë ose cirrozë, raporton Klinika e Cleveland.

Në këtë rast, pasojat mund të jenë shumë të rrezikshme dhe madje fatale, prandaj është e nevojshme të njihen me kohë shenjat e para paralajmëruese.

Siç shpjegojnë ekspertët, ka disa simptoma që mund të tregojnë për mëlçi të dhjamosur dhe disa prej tyre shfaqen edhe në fytyrë.

Simptomat janë:

1. Lëkura ose sytë e verdhë

2. Lëkura e kuqe ose eritema

3. Rosacea

4. Kapilarët në fytyrë

5. Lëkura e zbehtë që mund të jetë shenjë e anemisë

Edhe pse secila prej këtyre shenjave nuk do të thotë domosdoshmërisht se një person ka problem me mëlçinë e yndyrshme, në shumicën e rasteve këto janë disa nga simptomat e para.

Përveç kësaj, mëlçia e yndyrshme mund të shfaqet në disa mënyra të tjera, si lodhja kronike, rraskapitja, humbja e papritur e peshës dhe dhimbjet e barkut. Për këtë arsye, nëse dyshohet për një problem të mëlçisë që pasohet nga disa nga këto simptoma, është e nevojshme të bëhet një kontroll sa më shpejt të jetë e mundur.