Zëdhënësi i Kremlinit, Dmitry Peskov, tha sot se presidenti i Federatës Ruse, Vladimir Putin, në një bisedë me homologun e tij turk, Rexhep Tajip Erdogan, theksoi se Moska mbetet e gatshme për negociata me Ukrainën, por se situata dhe kushtet kanë ndryshuar.

- Presidenti deklaroi se Rusia mbetet e gatshme për negociata. Por situata ka ndryshuar dhe po ashtu edhe kushtet, theksoi Peskov.

Ministri i Jashtëm turk Mevlut Çavusoglu tha dje se Putin i tha Erdoganit se ekziston mundësia për t'u kthyer në negociata me Kievin, por në kushte të reja.

Çavuşoğlu në Tokio, ku po merr pjesë në funeralin e ish-kryeministrit japonez Shinzo Abe, tregoi se Putini e tha këtë në një bisedë me të në margjinat e samitit të Organizatës së Bashkëpunimit të Shangait, i cili u mbajt së fundmi në Samarkand.