Peskov: Ukraina do t'i japë fund menjëherë vuajtjeve nëse pranon kërkesat tona
Zëdhënësi i Kremlinit Dmitry Peskov tha se udhëheqja ukrainase mund t'i "fundojë vuajtjet" në Ukrainë nëse pranon kërkesat e Rusisë për të zgjidhur konfliktin.
I pyetur nga një gazetar nëse Rusia është e shqetësuar për pasojat e sulmeve ndaj popullsisë civile apo infrastrukturës energjetike, Peskov u përgjigj se Rusia synon vetëm objekte me rëndësi ushtarake, jo ato sociale.
Ushtria ruse mohoi se kishte sulmuar Kievin dje, duke pretenduar se dëmi në kryeqytetin ukrainas ishte shkaktuar nga raketat kundërajrore "ukrainase dhe të huaja". “Asnjë sulm i vetëm raketor nuk është kryer në Kiev. “Të gjitha dëmet e shkaktuara në qytet janë rezultat i rënies së raketave anti-ajrore të huaja dhe ukrainase që u instaluan në zonat e banuara të Kievit”, tha zëdhënësi i Ministrisë ruse të Mbrojtjes, Igor Konachenkov.
Rusia goditi qytetet në të gjithë Ukrainën me raketa të mërkurën, duke vrarë dhjetë persona, duke detyruar autoritetet të mbyllin termocentralet bërthamore dhe duke ndërprerë furnizimin me energji elektrike dhe ujë në shumë vende.