Një zëdhënës i Kremlinit Dmitri Peskov, tha sot se rezoluta e Asamblesë së Përgjithshme të OKB-së për reparacionet për Ukrainën është një "formalizimi i grabitjes" së rezervave ruse të arit dhe valutës.

- Sigurisht që organizatorët e këtij procesi po përpiqen të përfundojnë grabitjen e rezervave tona të arit dhe valutës, të cilat janë bllokuar tërësisht në mënyrë të paligjshme. Në fakt është zyrtarizimi i kësaj grabitjeje duke përdorur platformën e OKB-së. Ky vendim nuk është ligjërisht i detyrueshëm, kështu që ne jemi kategorikisht kundër tij”, u tha Peskov gazetarëve në Moskë.

Ai theksoi se "Rusia do të bëjë gjithçka që mundet" për të parandaluar kapjen e fondeve të ngrira ruse dhe shtoi se "nuk ka asnjë fjalë për restaurimin e objekteve ukrainase" që u shkatërruan në luftime.

Asambleja e Përgjithshme e OKB-së miratoi dje një rezolutë që mban Rusinë përgjegjëse për shkeljet e ligjit ndërkombëtar kundër Ukrainës, të cilat përfshijnë pagesën e reparacioneve.

Nga 181 votues, 94 shtete votuan për rezolutën, 14 shtete ishin kundër dhe 73 shtete abstenuan nga votimi.