Presidenti rus Vladimir Putin nuk do të udhëtojë në seancën e ardhshme të Asamblesë së Përgjithshme të OKB-së në Nju Jork, sepse, sipas zëdhënësit të Kremlinit, Dmitry Peskov, Shtetet e Bashkuara nuk janë destinacioni më i mirë për udhëtimin e sotëm të liderit rus.

“Putini nuk ka udhëtuar vitet e fundit. Dhe SHBA-ja, përndryshe një vend që nuk i kryen obligimet e veta në mënyrën më të mirë, si vend ku ndodhet selia e OKB-së, për momentin nuk është destinacioni më i mirë i udhëtimit”, tha Peskov, transmeton Tanjug.

Putin ka miratuar më parë përbërjen e delegacionit rus prej dhjetë personash që do të marrë pjesë në sesionin e 79-të të Asamblesë së Përgjithshme të OKB-së, që do të mbahet më 22 dhe 23 shtator në Nju Jork.

Delegacioni do të kryesohet nga ministri i Jashtëm Sergej Lavrov.