Vendimi i Killian Mbape për të nënshkruar kontratë të re me PSG-në ka dëshpëruar njeriun e parë të Real Madridit, Florentino Perez, i cili aktualisht është humbësi më i madh në afatin kalimtar të verës, sepse më parë ka “lejuar” Erling Halland të nënshkruajë për Manchester Cityn.

Perez shpresonte që puna me Mbape të ishte kryer dhe pas përfundimit të sezonit kombëtarja franceze të nënshkruante me Real Madridin, por milionat e Katarit e detyruan futbollistin të qëndronte në Paris, duke i lënë “mbretërit” duarbosh.

Tebas: Al Kelaifi është po aq i rrezikshëm sa Superliga, kjo që po bën është fyerje për futbollin

Për këtë, Perez po tenton të riparojë dëmin e bërë nga Mbape, por ka përjetuar një tronditje të re. Përkatësisht, ai ka kontaktuar me Pini Zahavin, agjentin e Robert Lewandowskit dhe ka marrë një “shportë”. Lewandowski tashmë ka rënë dakord me Barcelonën, ai është në kontakt të vazhdueshëm me trajnerin Xavi Hernandez i cili e sheh polakin si lider të skuadrës katalanas dhe nga zyrtarizimi i transferimit ndan kontratë me Bayern Munich.

Aktualisht Barcelona ofron 35 milionë euro dëmshpërblim plus dy milionë bonuse, ndërsa skuadra gjermane kërkon 40 milionë euro dhe pritet të arrihet marrëveshja mes dy klubeve në ditët në vijim.