Perez për të bërë ndryshime të mëdha në Real Madrid, nëntë lojtarë largohen nga kampionët e Evropës
Presidenti i Real Madridit, Florentino Perez po përgatitet për sezonin e ri në të cilin do të mbrojë titullin në Ligën e Kampionëve dhe La Liga, dhe planifikon të bëjë një rinovim të madh të skuadrës. Sipas gazetës “Marca”, Perez ka vendosur të heqë qafe nëntë lojtarë dhe më pas do të mendojë për përforcime shtesë.
Prej kohësh dihet se Marcelo, Isco dhe Gareth Bale po largohen nga Santiago Bernabeu dhe tashmë gjashtë lojtarë të tjerë pritet të luajnë për një klub tjetër sezonin e ardhshëm.
Portieri rezervë Lunin dëshiron të ketë më shumë kohë loje, diçka që nuk mund ta bëjë përkrah Thibaut Courtois dhe për këtë arsye ai do të huazohet sezonin e ardhshëm. Ai është i vetmi lojtar jashtë turmës që nuk do të shitet.
Luka Jovic, Marcelino Diaz, Dani Sebalos, Marcos Asensio dhe Dani Vallejo do të kërkojnë një klub të ri.
Perez pret të fitojë më së shumti para nga shitja e Asensio-s, e cila llogaritet në 40 milionë euro dhe për të po shfaqin interes disa skuadra të Premierligës dhe Serisë A.